Sistema Solar
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/c/cb/Planets2013.svg/langan-330px-Planets2013.svg.png)
O Sistema Solar ye formato por un conchunto d'astros en orbita arredol d'o Sol, ligatos por a fuerza d'a gravedat[1], que se creyó a partir d'o colapso d'una gran boira molecular, fa bels 4,6 billons d'anyos alto u baixo. Seguntes as zagueras estimacions, o Sistema Solar se troba a bels 28 mil anyos luz d'o centro d'a Carrera de Sant Chaime.[2]
Obchectos d'o sistema solar
[editar | modificar o codigo]![](http://upload.wikimedia.org/wikipedia/commons/thumb/a/a7/Milky_Way_Arms_ssc2008-10.svg/220px-Milky_Way_Arms_ssc2008-10.svg.png)
![](http://upload.wikimedia.org/wikipedia/commons/thumb/1/19/Solar_System_true_color.jpg/220px-Solar_System_true_color.jpg)
Ye formato por una sola estrela dita Sol, que da nombre a iste Sistema; mas ueito planetas que orbitan arredol d'a estrela: Mercurio, Venus, a Tierra, Marte, Chupiter, Saturno, Urano y Neptuno; amás d'un conchunto d'atros cuerpos menors: planetas nanas (Plutón, Eris, Makemake, Haumea, Sedna y Ceres), asteroides, lunas, cometas... asinas como lo espacio interplanetario entre toz éls.
Formación
[editar | modificar o codigo]O sistema solar se formó fa 4568 millons d'anyos por o colapso gravitatorio d'una parti d'una boira molecular chigant. Ista boira primichenia teneba cuantos anyos luz de diametro y prebablement dio a luz a cuantas estrelas. Como que ye normal en as boiras moleculars, consistiba prencipalment de hidrocheno, bella mica de helio y chicotas cantidaz d'elementos pesaus surtius de previas cheneracions estelars. A medida que a rechión, conoixida como que boira protosolar, se convertiba en o sistema solar, colapsaba y a conservación d'o momento angular fació que rotase mas aprisa. O centro, an s'acumuló a mayor parti d'a masa, se tornó cada vegada mas calient que o disco circumdant. A medida que a boira en contracción rotaba mas aprisa, prencipió a aplanarse en un disco protoplanetario con un diametro d'arredol de 200 UA y una densa y calient protoestrela en o suyo centro. As planetas se formoron por acreción a partir d'iste disco en o cual o gas y o polvo atraitos gravitatoriament entre él s'unen pa formar cuerpos cada vegada mas grans. En iste escenario, cientos de protoplanetas podrían haber surtiu en o temprano sistema solar que acaboron fusionondose u estioron destruius deixando as planetas, as planetas nanas y a resta de cuerpos menors.
Atros sistemas solars
[editar | modificar o codigo]Se conoixen tamién atros 2,970 sistemas planetarios (a 1 de febrero de 2019) orbitando arredol d'atras estrelas. En 653 de éls, se conoixen dos u mas exoplanetas.
Referencias
[editar | modificar o codigo]- ↑ (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.551
- ↑ (es) A Carrera de Sant Chaime chira muito más rapedo d'o que se creyeba
Vinclos externos
[editar | modificar o codigo]Se veigan as imáchens de Commons sobre Sistema Solar.
- (en) Información d'o Sistema Solar.
Solar |
![]() |
---|---|
Planetas · Nanas | Sol · Mercurio · Venus · Tierra · Marte · Ceres · Chupiter · Saturno · Urano · Neptuno · Orcus · Plutón · Haumea · Quaoar · Makemake · Gonggong · Eris · Sedna |